У Луганску тэрарысты паранілі вайскоўца
- 4.05.2014, 16:29
- 9,533
Тэрарысты спрабавалі захапіць будынак абласнога зборнага пункта.
Пра гэта УНІАН паведамілі ва Ўпраўленні сувязяў з грамадскасцю МУС Украіны.
Паводле паведамлення, 3 мая а 19 гадзіне група радыкальна настроеных прарасейскіх сепаратыстаў спрабавала захапіць будынак абласнога зборнага пункта ў г. Луганску і завалодаць зброяй, у той час там знаходзіліся вайскоўцы Заходняга тэрытарыяльнага камандавання.
«Не дасягнуўшы вызначанай мэты, радыкалы адкрылі агонь з агнястрэльнай зброі ў бок вайскоўцаў. Падчас перастрэлкі вайсковец адной з вайсковых частак атрымаў скразное агнястрэльнае раненне перадплечча правай рукі», – паведамілі ў УСО.
Пацярпеламу аказана неабходная медыцынская дапамога, на дадзены момант стан яго здароўя здавальняючы.
Раней некаторыя СМІ паведамлялі, што сепаратысты захапілі ў Луганску зборны пункт, у той жа час байцы Нацыянальнай гвардыі змаглі выйсці са зброяй з захопленага будынка.