Рускім нацыяналістам не далі пабегаць па Менску пад сцягам СССР

Прыйшлося бегаць з лукашэнкаўскім.

Сёння ў Менску адбылася перадсвяточная прабежка ў гонар Дня Перамогі. Арганізатарамі выступілі прарасійскае грамадскае аб'яднанне «Румол», ініцыятыўная група «Мяняю сябе! Мяняю свет», «Славянскія прабежкі» і Workout Community Belarus, піша «Наша Нiва».

Блізу 40 чалавек прабеглі ад парку Горкага да стэлы «Менск – горад-герой». Спачатку ўдзельнікі спрабавалі падняць яшчэ і савецкі сцяг, але пасля кароткай размовы з міліцыянтамі пакінулі толькі афіцыйны лукашэнкаўскі.