Начны пажар у інтэрнаце ў Віцебску: эвакуяваныя 659 чалавек

Гарэў інтэрнат Віцебскай дзяржаўнай акадэміі ветэрынарнай медыцыны.

5 траўня ноччу ў МНС паступіла паведамленне аб сігналізацыі ў будынку інтэрната №7 ДУА «Віцебская дзяржаўная акадэмія ветэрынарнай медыцыны» па адрасе: г. Віцебск, вул. Баўмана, 20 Е.

Пасля прыбыцця да месца выкліку назіралася моцнае задымленне на паверхах і адкрытае гарэнне ў жылым пакоі на 4-м паверсе інтэрната, паведамляе прэс-служба МНС.

Работнікамі МНС сумесна з адміністрацыяй аб'екта з інтэрната па лесвiчных маршах эвакуяваныя 659 чалавек. Пацярпелых няма. Праз 20 хвілін пажар лакалізаваны, а крыху пазней - ліквідаваны. Прычына таго, што адбылося, высвятляецца. У пакоі 3х4 метра знішчаная маёмасць, закураныя сцены. Спрацоўка пажарнай аўтаматыкі і аператыўныя дзеянні ратавальнікаў дазволілі аператыўна выявіць узгаранне, не дапусціць траўмавання і гібелі людзей.