Тэрарысты катавалі шахцёраў і дэпутата з Навагродаўкі

Сепаратысты адпусцілі з палону трох патрыятычна настроеных жыхароў Навагродаўкі, яшчэ трое - утрымліваюцца ў Данецкай АДА.

Пра гэта паведамляе «Остров» са спасылкай на Незалежны прафсаюз гарнякоў Украіны.

Па стане на раніцу 5 траўня трох чалавек адпусцілі. У кожнага з іх прыкметныя сляды катаванняў: у Аляксандра Воўка - моцна знявечаны твар, у Алега Бубіча - пашкоджаныя рэбры, у Валерыя Паўліка, дэпутата Навагродаўскага гарадскога савета, - разбітая галава.

«У палоне застаюцца тры чалавекі: Аляксандр Гураў, Канстанцін Мусейка і малады чалавек, прозвішча якога ўдакладняецца (хоць праваахоўным органам яно ўжо вядома). Усіх іх трымаюць на пятым паверсе Данецкай абласной дзяржадміністрацыі», - удакладніў старшыня прафсаюза гарнякоў Міхаіл Валынец.

Валынец таксама паведаміў, што выкрадальнікі адабралі ў дэпутата Навагродаўскага гарадскога савета Алега Бубіча - 700 грыўняў, а ў гарняка з шахты «Расея», сябра Незалежнага прафсаюза гарнякоў Украіны Аляксандра Воўка - 60 грыўняў.

Як паведамлялася, у Навагродаўцы, што на Данетчыне, сепаратысты захапілі 6 чалавек, сярод якіх былі шахцёры.