КАМАЗ скамячыў «у гармонік» Audi, які прытармазіў на МКАД

У суботу сталічныя аўтаўладальнікі, якія праязджалі па ўнутраным кальцы МКАД, маглі бачыць наступствы сур'ёзнага ДТЗ.

Audi 80 у выніку сутыкнення была скамечана, як кажуць, «у гармонік». «Руль да спінкі пярэдняга сядзення зрушыўся», - пісалі відавочцы. У ДАІ Маскоўскага раёна паведамілі, што абышлося без ахвяраў. Кіроўца Audi атрымаў толькі чэрапна-мазгавую траўму, піша onliner.by.

«На прыблізна 29 км па ўнутраным боку МКАД у сярэдняй паласе адбылося ДТЗ з сур'ёзнымі наступствамі, у якім аранжавы Камаз сутыкнуўся з Audi 80 cc такім чынам, што апошняе аўто склалася», - напісаў карыстальнік форуму Ікорт (арфаграфія і пунктуацыя аўтара захаваныя).

Любоў Трапашка, старшы інспектар па агітацыі і прапагандзе ДАІ Маскоўскага раёна, распавяла папярэднюю версію таго, што адбылося: «Усе ўдзельнікі рухаліся ў крайняй левай паласе. Першым быў аўтамабіль Ford. Яго кіроўца на ўчастку ў раёне скрыжавання пр. Дзяржынскага з МКАД скінуў хуткасць. Верагодна, заўважыў знак «фотафіксацыя». Аўтаўладальнік на Audi, які рухаўся за ім, таксама прытармазіў, а кіроўца КАМАЗа (які таксама па нейкай прычыне рухаўся па трэцяй паласе) не змог зрэагаваць. Грузавік фактычна ўпячатаў Audi у Ford. Кіроўца заціснутага з двух бакоў легкавіка атрымаў чэрапна-мазгавую траўму сярэдняй ступені».