Джэфры Пает: ЗША дапамогуць вярнуць Украіне выкрадзеныя Януковічам грошы
5- 5.05.2014, 11:04
- 5,627
Вашынгтон будзе цесна супрацоўнічаць з украінскай уладай, каб вярнуць грошы страчаныя ў выніку карупцыйных здзелак старой улады.
Пра гэта заявіў амбасадар ЗША ва Украіне Джэфры Пает, перадае Цензор.НЕТ.
Паводле слоў амбасадара, ЗША і Украіна сумеснымі намаганнямі будуць разбірацца з праблемай адмывання грошай, з нелегальнымі схемамі і паспрабуюць вярнуць "брудныя актывы". Заадно Пает перасцярог будучых карупцыянераў.
"Мы хочам даць выразны сігнал кожнаму, хто думае пра магчымасць вярнуць маштабную карупцыю, якая існавала ў часы Януковіча - яны не знойдуць "ціхую гавань" у Злучаных Штатах. Не знойдуць "ціхую гавань" у Лондане... І галоўны мэсэдж - свет цяпер настроены інакш. Ну, а акрамя таго, я выдатна разумею, чаго чакаюць самі ўкраінцы", - Джэфры Пает.
Нагадаем, былы прэзідэнт Украіны Віктар Януковіч пасля масавых пратэстаў па ўсёй краіне ўцёк у Расею.