Баевікі напалі на аддзяленне міліцыі пад Луганскам

Узброеныя баевікі напалі на Славянасербскі райаддзел міліцыі.

Пра гэта паведамілі ва ўпраўленні МУС Луганскай вобласці.

"Начальніка райаддзела палкоўніка міліцыі Генадзя Віктаравіча Бахцізіна, які выйшаў да іх на перамовы, звалілі з ног і збілі", - гаворыцца ў паведамленні.

Пазней стала вядома, што людзі са зброяй стаяць каля райаддзела, людзі без зброі зайшлі разам з начальнікам райаддзела ў яго кабінет і вядуць перамовы, каб не дапусціць штурму будынка, стральбы, кровапраліцця і ахвяраў.

У паўднёва-усходніх абласцях Украіны з пачатку сакавіка праходзяць справакаваныя Расеяй акцыі сепаратыстаў. Эпіцэнтрамі хваляванняў сталі абласныя цэнтры і шэраг буйных гарадоў, адміністрацыйныя будынкі у якіх перыядычна бяруць пад кантроль дыверсанты і баевікі. СБУ атрымала доказы, што імі кіруюць прадстаўнікі расейскіх спецслужбаў і ГВУ.

7 красавіка ў Луганску сепаратысты здолелі ўзяць пад свой кантроль будынак рэгіянальнага ўпраўлення СБУ. У гэты ж дзень быў захоплены філіял Нацыянальнага банка Украіны.

У ноч на 11 красавіка каля сотні ўзброеных баевікоў заблакавалі вайсковую частку ўнутраных войскаў МУС Украіны ў Луганску.