Баевікі звозяць на тэрыторыю Луганшчыны пераносныя ЗРК
4- 5.05.2014, 16:59
- 36,494
Таксама фармуюцца ўзброеныя атрады сепаратыстаў пры актыўным удзеле данскіх казакоў.
На тэрыторыю Антрацытаўскага раёна Луганскай вобласці, па ўзгадненні з райдзяржадміністрацыяй, завезлі пераносныя зенітна-ракетныя комплексы. Пра гэта паведаміў старшыня Незалежнага прафсаюза гарнякоў Украіны Міхаіл Валынец у Луганскай вобласці ў панядзелак, 5 траўня, піша мясцовы партал CityNews.
Таксама каля будынка РГА фармуюцца атрады баевікоў, якіх пераапранаюць у камуфляжную форму і выдаюць зброю.
"У двары Антрацытаўскай РГА фармуюцца атрады баевікоў пры актыўным удзеле і прысутнасці на гэтай тэрыторыі данскіх казакоў", - заявіў ён.
Старшыня Незалежнага прафсаюза гарнякоў Украіны таксама пацвердзіў інфармацыю пра захоп адміністрацыйнага будынка дзяржпрадпрыемства "Арцёмвугаль" у Горлаўцы Данецкай вобласці і што будынак пакінулі работнікі кампаніі. На думку Валынца, "сепаратысты такімі дзеяннямі помсцяць гарнякам за тое, што тыя іх не падтрымалі".