Былыя байцы «Беркута» ўдзельнічаюць у вызваленні Данбаса ад тэрарыстаў
18- 5.05.2014, 17:25
- 62,965
За падзеі на Майдане вырашылі караць толькі вінаватых у забойстве і катаваннях.
Выконваючы абавязкі кіраўніка адміністрацыі прэзідэнта Украіны Сяргей Пашынскі заявіў, што ў антытэрарыстычнай аперацыі бяруць удзел былыя супрацоўнікі расфармаванага спецпадраздзялення «Беркут».
Пра гэта паведамляе прэс-служба Аляксандра Турчынава, піша LB.ua.
«Пасля правядзення пераатэстацыі і ўнутранага расследавання па падзеях у цэнтры Кіева ў пачатку гэтага года і ўстанаўлення недатычнасці да масавых забойстваў удзельнікаў акцый пратэсту, гэтыя супрацоўнікі былі дапушчаныя да далейшай службы ў шэрагах МУС», - адзначыў ён.
Пашынскі асабліва адзначыў байцоў былога спецпадраздзялення «Беркут», якія застаюцца вернымі прысязе і служаць у Луганскай, Адэскай і іншых абласцях.
Пры гэтым ён паведаміў, што за падзеі на Майдане будуць пакараныя толькі тыя байцы «Беркута», якія вінаватыя ў забойствах і катаваннях.
«Кампетэнтнымі органамі Украіны прынятае рашэнне аб тым, што, улічваючы няпросты шлях, які давялося прайсці байцам спецпадраздзялення «Беркут» за апошнія шэсць месяцаў, калі злачынная ўлада на чале з Віктарам Януковічам прымушала іх ваяваць з уласным народам, да крымінальнай адказнасці будуць прыцягвацца выключна тыя работнікі, у дачыненні да якіх следства ўстанавіла непасрэдны ўдзел у забойствах і катаваннях удзельнікаў Рэвалюцыі годнасці», - сказаў Пашынскі.
Нагадаем, па дадзеных следства, у людзей на Інстытуцкай стралялі байцы адной з рот спецпадраздзялення «Беркут».