Цягнік з Баранавічаў змяніў маршрут праз захоп Славянска

17 пасажырскіх цягнікоў мяняюць маршруты праз перацінанне шляхоў баевікамі.

Сярод іх і адзін з Беларусі - з Баранавіч у Марыупаль і назад.

Да стабілізацыі сітуацыі яны будуць шнураваць праз адцінак Краснаармейск-Паўлаград-Лазовая. Затрымка ў руху названых цягнікоў можа складаць да 4 гадзін, піша Цензор.нет.

Усім пасажырам, якія звярнуліся да чыгуначных кас з нагоды вяртання праязных дакументаў на цягнікі, якія змянілі маршрут руху, выплата праводзіцца ў поўнай суме без утрымання камісійных збораў. Вяртанне пасадачных дакументаў, аформленых праз Інтэрнэт, і электронных праязных дакументаў праводзіцца толькі ў білетных касах. У далейшым продаж квіткоў на названыя цягнікі са станцый, якія яны не будуць праязджаць, скасаваныя да ўвядзення новага графіка:

Акрамя гэтага, спынены рух прыгарадных цягнікоў на адцінку ад Данецка да станцыі Лазовая. Так, 4 траўня з 52 прыгарадных цягнікоў былі скасаваныя 33, і 19 цягнікоў змянілі свой графік руху. Сёння, 5 траўня, з 52 прыгарадных цягнікоў 34 былі скасаваныя, і 18 цягнікоў змянілі маршрут руху.