На спадарожніку Юпітэра знайшлі «акіян-сэндвіч»

На Ганімедзе можа існаваць некалькі пластоў розных тыпаў лёду.

Амэрыканскія навукоўцы з дапамогай кампутарнага мадэлявання выявілі, што на спадарожніку Юпітэра Ганімедзе існуе некалькі акіянскіх пластоў, узаемнае размяшчэнне якіх нагадвае шматпластовы бутэрброд, паведамляе Lenta.ru.

Астраномы паказалі, што на Ганімедзе можа існаваць некалькі пластоў розных тыпаў лёду (I, II, IV і V). Шчыльнасць лёду і салёнасць вады растуць з павелічэннем глыбіні: самы лёгкі пласт лёду знаходзіцца на паверхні спадарожніка, а самая салёная вадкасць - унізе шматпластовага акіяна. Раней навукоўцы меркавалі, што вадкі акіян на планеце адзін і знаходзіцца паміж двума пластамі лёду.

У сваім даследаванні астраномы з дапамогай лабараторных доследаў паказалі, якім чынам канцэнтрацыя солі ў вадзе можа зрабіць уплыў на шчыльнасць рошчыны, і выкарыстоўвалі вынікі сваіх доследаў для мадэлявання акіяна Ганімеда. Лёд на спадарожніку знаходзіцца на нізкіх глыбінях пад высокім ціскам, таму ён цяжэйшы і шчыльнейшы за звычайны лёд.

Паводле ацэнак навукоўцаў, вады на Ганімедзе ў 25 разоў больш, чым на Зямлі, а глыбіня акіяна на планеце дасягае 800 кіламетраў. Упершыню довад існавання на Ганімедзе акіяна было атрыманы ад зонда Галілеа, які выявіў на спадарожніку салёныя моры. Для гэтага зонд вымяраў магнітнае поле і гравітацыю спадарожніка.

Ганімед з'яўляецца самым вялікім з пяці планетных спадарожнікаў, якія маюць схаваны пад пластом лёду акіян. Іншыя планеты, Еўропа і Каліста, з'яўляюцца спадарожнікамі Юпітэра, а Тытан і Энцэлад - Сатурна. Як мяркуюць астрабіялогіі, такая будова акіяна на Ганімедзе можа спрыяць стварэнню спецыяльных варункаў для развіцця прымітыўных формаў жыцця на спадарожніку.

Сваё даследаванне аўтары падрыхтавалі да публікацыі ў часопісе Planetary and Space Science, сцісла з ім можна азнаёміцца на сайце NASA.

Выява: NASA/JPL-Caltech