Турчынаў прызначыў новага губернатара Адэскай вобласці
1- 6.05.2014, 11:11
- 6,359
Выконваючы абавязкі прэзідэнта Украіны Аляксандр Турчынаў прызначыў новага губернатара Адэскай вобласці.
Адпаведны ўказ Турчынава № 240/2014 ад 3 сакавіка 2014 года абнародаваны на яго афіцыйным сайце.
"У адпаведнасці з артыкуламі 112 і 118 Канстытуцыі Украіны пастанаўляю: Назначыць Паліцу Ігара старшынёй Адэскай абласной дзяржаўнай адміністрацыі", - гаворыцца ў тэксце ўказу.
Паліца - народны дэпутат Вярхоўнай Рады, пазафракцыйны. Нарадзіўся ў Луцку, раней займаў пасаду камерцыйнага дырэктара Надвірнянскага нафтаперапрацоўчага завода, які ўваходзіць у сферу ўплыву групы Прыват, быў старшынёй праўлення кампаніі Укрнафта. Адзін з набліжаных людзей бізнесмена і кіраўніка Днепрапятроўскай АДА Ігара Каламойскага, піша liga.net.
Іншым указам Турчынаў звольніў з пасады кіраўніка Адэскай АДА Уладзіміра Неміроўскага, які быў прызначаны на гэту пасаду 3 сакавіка.