Парубій: Расейскія дыверсанты да 9 траўня плануюць правакацыі ў сямі рэгіёнах
4- 6.05.2014, 11:18
- 8,121
Расейскія дыверсанты да 9 траўня плануюць правакацыі ў сямі рэгіёнах, уключаючы Кіеў.
Пра гэта перад пачаткам пасяджэння Вярхоўнай Рады журналістам паведаміў сакратар Савета нацыянальнай бяспекі і абароны Украіны Андрэй Парубій, перадае карэспандэнт РБК-Украіна.
"Плануюцца правакацыі рускімі дыверсантамі на 8-9 траўня. Украіна робіць усё магчымае, каб іх не дапусціць. Правакацыі плануюцца не толькі на ўсходзе Украіны, але і ў Кіеве. Гаворка ідзе пра працяг правядзення Расеяй спецаперацыі пад кодавай назвай "Руская вясна", якая ўключае шэсць абласцей: Данецк, Луганск, Херсон, Нікалаеў, Запарожжа, Адэса. Увесь гэты пояс, які Пуцін чамусьці назваў паўднёвым усходам, ён лічыць, што гэтая тэрыторыя павінна мець асаблівы статус, на гэтых тэрыторыях мы чакаем правакацый і не толькі на 9 траўня, але і да 9 траўня", - сказаў Парубій.
Нагадаем, з 6 красавіка расейскія дыверсійныя групы і мясцовыя сепаратысты пачалі планамерныя захопы будынкаў адміністрацый у гарадах усходніх абласцей Украіны.