Улады Чачні пагрозамі і катаваннямі вярбуюць наймітаў ва Украіну

Людзей, якія адмаўляюцца ехаць у Данбас і ваяваць на баку тэрарыстаў, збіваюць і катуюць.

Пра гэта піша расейскі блогер Алег Ляўсенка, спасылаючыся на ліст ад студэнткі Эльміры з Грознага.

«Так, такі набор праводзіцца, але жадаючых запісацца вельмі мала, - піша яна. - А тыя, хто запісаліся, але зразумеўшы, як іх хочуць выкарыстоўваць, адмовіліся - выкрадаюць, збіваюць, катуюць і пагражаюць зрабіць інвалідамі.

Распавяду сваю гісторыю. У мяне ёсць сваяк. У пятніцу ён пайшоў запісвацца для адпраўкі ў Крым. Запісаўся, здаў дакументы. Але калі зразумеў, што за «ахоўнікі» ім патрэбныя запатрабаваў дакументы назад.

Запісваўся ён у цэнтры па вярбоўкі наймітаў ва Украіну, размешчаным на вуліцы Маякоўскага ў Грозным.

Мой сваяк з малазабяспечанай сям'і. Даведаўшыся пра такі вялікі заробак, які абяцаюць улады, ён вырашыў запісацца. Але калі зразумеў сітуацыю, адмовіўся і забраў дакументы»

Па словах аўтара ліста, калі яе сваяк прыйшоў забіраць свае дакументы, арганізатары, якія вядуць набор наймітаў, сталі крычаць на яго, абзываць, мацюкацца апошнімі словамі, абражалі, называлі баязліўцам. Яна падкрэсліла, што вярбоўшчыкі цесна працуюць з мясцовай міліцыяй.

«Далей гісторыя развівалася так, - піша яна. - А 23-й гадзіне таго ж дня, ноччу, узброеныя людзі ў масках уварваліся ў дом майго сваяка і забралі яго. Па трывозе былі паднятыя ўсе сваякі. Сталі шукаць. Нарэшце высветлілі, дзе яго ўтрымліваюць. Міліцыянты сказалі родным, што маўляў, да яго ёсць некалькі пытанняў і зараз яго адпусцяць. Але выпусцілі толькі да раніцы.

Ён быў збіты да паўсмерці. Яго катавалі і білі за адмову ехаць наймітам ва Украіну. Пагражалі, што «зробяць яго баевіком, удзельнікам НВФ», калі адмовіцца. Сказалі, што прымусяць яго паехаць ва Украіну і ён там бясплатна будзе «адпрацоўваць». Патрабавалі падпісаць нейкія паперы. Ён адмовіўся. Яго збівалі 6 чалавек».

Аўтар ліста адзначае, што на самой справе вельмі мала людзей у Чачні запісваюцца ў найміты ва Украіну. Жыхары краіны ведаюць, што адбываецца на самой справе, і ўвесь народ спачувальна ставіцца да ўкраінцаў.

«З тых, хто ўсё ж запісваецца ў найміты - гэта былыя мянты, кадыраўцы, якія раней звольніліся, і ўсякая шваль і адмарозкі, якія ёсць у любым народзе, - піша яна. - За ўвесь час з моманту адкрыцця цэнтраў вярбоўкі, у Грозным, Ачхой-Мартане, Знаменскім, Гудэрмесе - яны не адправілі нават першую групу.

У чацвер у цэнтр вярбоўкі, які знаходзіцца па праспекце Леніна ў Грозным прыязджалі нейкія кадыраўскай шышкі і выказвалі незадаволенасць, што мала людзей запісваюцца. Яны аралі на вярбоўнікаў прама пасярод вуліцы, на вачах мінакоў, мацярылі самымі бруднымі словамі і патрабавалі «вынікаў».

Нагадаем, раней міністр унутраных спраў Украіны Арсэн Авакаў паведаміў, што ў ходзе баёў пад Славянскам 5 траўня ў рамках антытэрарыстычнай аперацыі было ліквідавана больш за 30 тэрарыстаў, сярод якіх былі жыхары Чачні.

«Сумна ўсё гэта - і самае сумнае - да гэтага прывыкаем усе мы, а прывыкаць да такога нельга... - сёння (5 траўня) нашы страты складаюць 4 байца і 20 параненых. Па нашай ацэнцы у тэрарыстаў страты за 30 чалавек. Параненых дзесяткі... Вельмі шмат крымчан, сустракаюцца і рускія. Сёння былі і чачэнцы. Верталёт здзейсніў аварыйнае прызямленне - лётчыкаў выратавалі», - адзначыў Авакаў.