Баевікі заблакавалі вайсковую частку ў Данецку
56- 6.05.2014, 17:24
- 48,698
Узброеныя аўтаматамі сепаратысты атачылі частку УВ.
Дарога да вайсковага аб'екту перацятая КамАЗамі і прарасейскімі баевікамі. Ідзе штурм вайсковага ліцэя, які размешчаны на тэрыторыі часткі. Пра гэта паведаміла мясцовае выданне 62.ua.
Інфармацыю выданню ўжо пацвердзілі ў частцы. Пра гэта таксама паведамляюць мясцовыя жыхары ў сацыяльных сетках. Там паведамляюць, што дарога ў частку заблакаваная КамАЗам, на месцы знаходзіцца вялікая колькасць сепаратыстаў.
Са слоў відавочцаў, "значная колькасць тэрарыстаў у Балаклаве апранае бронекамізэлькі, раздае адзін аднаму аўтаматы Калашнікава і мае намер штурмаваць адну з вайсковых частак унутраных войскаў, размешчаную на вуліцы Купрына, 1 (ВЧВВ №3037)".
Праваахоўнікі Данецка на паведамленні відавочцаў падзей адказваюць, што яны ў курсе таго, што адбываецца.
Камандзір вайсковай часткі не стаў каментаваць тое, што адбываецца, спаслаўшыся на тое, што цяпер моцна заняты і размаўляць не можа, піша unian.ua.
Паводле неафіцыйнай інфармацыі, на тэрыторыі гэтай часткі знаходзіцца вялікая колькасць зброі яшчэ з часоў Савецкага Саюза.
Архіўнае фота Reuters