Трох фанатаў «Партызана» кінулі ў турмы праз ЧС

Сёння раніцай былі затрыманыя трое ўдзельнікаў ультрас сталічнага «Партызана».

Днём прайшлі суды. Затрыманых арыштавалі на дзесяць дзён кожнага. Судзілі паводле артыкула 17.1. «Дробнае хуліганства», піша «Наша Нiва».

Жонка аднаго з затрыманых кажа, што адбываецца зачыстка перада Чэмпіянатам свету ў хакеі. Невядома, ці звязаныя затрыманні са зрывам турніру расейскіх нацыяналістаў. Непасрэдна ў гэтым затрыманых не абвінавачвалі.

«Думаю, што гэтай акцыяй ультрас нагадалі пра сябе як актыўных грамадзян, таму іх арыштоўваюць», - мяркуе жонка затрыманага.

Фанаты «Партызана» прытрымліваюцца антыфашысцкіх поглядаў.