Аварыя на газаправодзе ў Менску
1- 7.05.2014, 10:52
- 5,740
Амаль два дзесяткі жылых дамоў у Менску засталіся на некалькі гадзін без газазабеспячэння.
У Менску быў пашкоджаны газаправод у раёне вуліцы Пуцілава, з-за чаго на некалькі гадзін было парушанае газазабеспячэнне 18 жылых дамоў (890 кватэр) на вуліцах Фогеля, Пуцілава і Гурц'ева, паведамілі БелТА ў прэс-службе МНС Беларусі.
Паводле папярэдняй версіі, пры правядзенні земляных работ па ўладкаванні дажджавой каналізацыі быў пашкоджаны газаправод сярэдняга ціску - дыяметр 100 мм, ціск 0,3 МПа, глыбіня залягання - 1,5 м. Падача газу на пашкоджаным участку была перакрытая работнікамі "Менгазу". У МНС падкрэслілі, што ўзгарання газу не было.
Як мяркуецца, прычына пашкоджання - парушэнне рэгламенту пры правядзенні земляных работ.