Міхаіл Хадаркоўскі: Пуцін пралічыўся

Краіны Захаду і Украіна павінны аказаць супраціў уварванню, пакуль яшчэ не позна.

Пра гэта заявіў былы расейскі алігарх Міхаіл Хадаркоўскі, які 10 гадоў правёў у расейскай турме.

"Мяркую, калі Украіна ці краіны Захаду не акажуць сур'ёзнага супраціву Пуціну, наступнай яго мішэнню на самой справе могуць стаць дзяржавы Балтыі або Балканскія дзяржавы. Не сумняваюся, што кіраўніцтва Літвы выдатна гэта разумее і не сядзіць склаўшы рукі", - сказаў у інтэрв'ю газеце Lietuvos rytas самы вядомы калісьці расейскі зняволены, які выйшаў на волю ў снежні мінулага года, піша ru.delfi.lt.

Кажучы пра дзеянні Расеі ва Украіне, ён сказаў, што "Пуцін і яго атачэнне памыліліся і пралічыліся, але зараз ужо адступаць няма куды".

"Паспрабаваўшы завалодаць Крымам і, у рэшце рэшт, так лёгка яго ўзяўшы, яны ўжо не могуць спыніцца. Трэба ісці наперад, хоць ні ў Крыме, ні ва Украіне, як абвяшчаюць прапагандысты Пуціна, рускіх ніхто не крыўдзіць", - сказаў Хадаркоўскі ў інтэрв'ю газеце.

Адзін з акцыянераў нафтаканцэрну ЮКАС Хадаркоўскі быў арыштаваны ў 2003 годзе, тады ён быў адным з найбагацейшых людзей у Расеі і адным з нямногіх крытыкаў прэзідэнта Уладзіміра Пуціна. Пазней нафтаканцэрн, якія належаў яму, быў разбураны, а прыхільнікі магната кажуць, што справы на Хадаркоўскага сталі пакараннем за тое, што ён адважыўся фінансаваць палітычную апазіцыю Расеі.

Фота: AP