Генпракуратура і СБУ раскрылі схемы фінансавання сепаратыстаў
11- 7.05.2014, 12:43
- 21,178
У фінансаванні беспарадкаў на паўднёвым усходзе Украіны падазраюць 17 банкаў.
Пра гэта сёння на прэс-канферэнцыі заявіў выконваючы абавязкі генпракурора Алег Махніцкі, перадае РБК-Украіна.
"Выяўлена 17 банкаў, якія падазраюцца ў фінансаванні супрацьпраўных дзеянняў", - ён.
У Адэсе таксама выкрытая дзейнасць канвертацыйнага цэнтра, які фінансаваў беспарадкі 2 траўня. Пра гэта заявіў кіраўнік Службы бяспекі Украіны Валянцін Налівайчанка, перадае zn.ua.
"Учора спынілі дзейнасць канвертацыйнага цэнтра, які фінансаваў беспарадкі ў Адэсе 2 траўня", - паведаміў ён на прэс-канферэнцыі ў Кіеве.
Па словах Налівайчанкі, затрыманыя чатыры чалавекі. Да дзейнасці гэтага канвертцэнтра, дадаў кіраўнік СБУ, маюць дачыненне экс-кіраўнік Міндаходаў Аляксандр Кліменка і былы першы віцэ-прэм'ер Украіны Сяргей Арбузаў.