Васіль Крутаў: Тэрарысты страцілі ў баях дзесяткі людзей

У ходзе антытэрарыстычнай аперацыі на ўсходзе Украіны забітыя некалькі дзесяткаў тэрарыстаў, інфармацыі аб ахвярах сярод насельніцтва няма.

Пра гэта заявіў кіраўнік антытэрарыстычнага цэнтра СБУ Васіль Крутаў, піша "Лiга.нет".

"Я не маю поўнай інфармацыі, таму што нават у тых агнявых сутыкненнях, якія ў нас былі ў раёне Сямёнаўкі, мы ніякай інфармацыі не атрымлівалі пра тое, што хтосьці пацярпеў з ліку грамадзянскага насельніцтва. Што тычыцца баевікоў, то ў іх страты досыць істотныя", - сказаў ён. На ўдакладняючае пытанне, пра якія лічбы ідзе гаворка, Крутаў адказаў: "Гэта дзесяткі".

Крутаў пацвердзіў, што тэрарысты выкарыстоўваюць супраць украінскіх вайскоўцаў і тэхнікі пераносныя ракетна-зенітныя комплексы: "Так, тэрарысты выкарыстоўваюць ПЗРК. Мы страцілі за апошнія чатыры дні дзве бронемашыны. Прычым мае месца не проста выкарыстанне ПЗРК. Людзі вельмі кваліфікавана, вельмі прафесійна іх выкарыстоўваюць".

На пытанне, што зараз адбываецца ў рамках АТА ў Данецкай вобласці, якая бягучая сітуацыя, Крутаў адказаў: "Зараз ідзе пэўная перадыслакацыя, перабудова сіл і сродкаў АТА. Учора ўказам прэзідэнта быў уведзены рэжым тэрытарыяльнай абароны, уведзеныя планы тэрытарыяльнай абароны ў дзеянне. Гэта істотна пашырае магчымасці задзейнічання для процідзеяння вядомым вам пагрозам іншых сіл і сродкаў. Зараз у рамках планаў тэрытарыяльнай абароны разгортваецца энергічная праца для таго, каб з апярэджаннем абараніць перш за ўсё, працягнуць тую працу, якая ёсць, на тэрыторыі трох абласцей, якія ўваходзяць у рэгіёны АТА, і апярэдзіць узнікненне падобных ачагоў у іншых абласцях. Разлічваем на тое, што гэтая праца будзе праведзеная хутка і зладжана".