ЗВР за красавік скараціліся на $238 мільёна
5- 7.05.2014, 16:39
- 7,961
Золатавалютныя рэзервы Беларусі за красавік скараціліся на $238,1 млн і склалі на 1 траўня $5 млрд 477 млн.
Пра гэта паведамляе прэс-служба Нацбанка Беларусі.
«Па выніках красавіка 2014 года золатавалютныя рэзервы Рэспублікі Беларусь у вызначэнні ССРД МВФ скараціліся на 238,1 млн. даляраў ЗША і, па папярэдніх дадзеных, на 1 траўня 2014 г. склалі 5 477,0 млн. даляраў ЗША ў эквіваленце.
У нацыянальным вызначэнні аб'ём золатавалютных рэзерваў скараціўся на 210,2 млн. даляраў ЗША і на 1 траўня 2014 года склаў 6 091,2 млн. даляраў ЗША ў эквіваленце.
На зніжэнне аб'ёму золатавалютных рэзерваў у красавіку 2014 г. аказала ўплыў пагашэнне Урадам і Нацыянальным банкам Рэспублікі Беларусь знешніх і ўнутраных абавязацельстваў у замежнай валюце ў поўным аб'ёме.
Падтрыманню ўзроўню золатавалютных рэзерваў спрыяла размяшчэнне валютных аблігацый Міністэрства фінансаў Рэспублікі Беларусь на ўнутраным рынку краіны», - гаворыцца ў паведамленні Нацбанка.