Намеснік Някляева прапануе расстрэльваць распаўсюджвальнікаў наркотыкаў (Відэа)

Адзін з кіраўнікоў грамадзянскай кампаніі «Гавары праўду» Андрэй Дзмітрыеў выступіў з відэазваротам, прысвечаным праблеме наркотыкаў.

Відэазварот апублікаваны на YouTube.

У ім Дзмітрыеў сцвярджае, што каля 70% беларускіх школьнікаў рэгулярна спажываюць курыльныя легальныя сумесі.

«Кампанія «Гавары праўду» выступае за павелічэнне пакарання за распаўсюджванне наркотыкаў да 10-15 гадоў строгага рэжыму і ў асобных выпадках да смяротнага пакарання», - заявіў ён у канцы звароту.

Нагадаем, кіраўніком грамадзянскай кампаніі «Гавары праўду» з'яўляецца Уладзімір Някляеў.