Трайное ДТЗ у Гомелі: кіроўца грузавіка не заўважыў малалітражку

Буйная аварыя адбылася на вуліцы Хмяльніцкага ў Гомелі.

Паведамленне пра ДТЗ з удзелам трох аўтамабіляў з'явілася ў суполцы «Гэта Гомель, дзетка!». Паводле папярэдняй інфармацыі, кіроўца МАЗа не разглядзеў малалітражку і выпадкова «выціснуў» яе з дарогі. Затым легкавік вынесла на сустрэчную паласу пад іншы аўтамабіль. Карціну здарэння высвятляе ДАІ.

«Сёння ў раёне 12:10 на пад'ездзе да кальца на Быхаўскім адбылася аварыя... Пра колькасць пацярпелых невядома, па здагадках, 2 чалавекі», - напісаў аўтар здымкаў.

Як распавёў onliner.by удзельнік суполкі Ягор Грэкаў, Citroen C3 рухаўся па правым шэрагу ад вуліцы 60 гадоў СССР у кірунку кальца. Як мяркуецца, МАЗ, які ехаў у тым жа кірунку ў левым шэрагу, паспрабаваў перастроіцца, не заўважыўшы маленькага «француза», і прыціснуў яго да краю праезнай часткі. Па словах Ягора Грэкава, пасля ўдару аб бардзюр малалітражку стала круціць і вынесла на сустрэчную паласу, дзе адбылося сутыкненне з Ford Galaxy.

Па словах сведак, ніхто сур'ёзна не пацярпеў, два чалавекі ў Citroen атрымалі траўмы галавы.