Казацкі атаман са Стаўраполля: Праз пару гадоў у Крыме расейцам у твар пляваць будуць

Атаман станіцы «Крывіческая» Георгій Паўлаў распавёў аб рэаліях і бліжэйшай перспектыве расейцаў.

Ён выступіў на мітынгу 1 траўня 2014 года ў Пскове. Тэзісы прамовы Георгія Паўлава моцна адрозніваюцца ад афіцыйнай пазіцыі Крамля з нагоды будучага Расеі, піша Цензор.нет.

«З нагоды Крыму. Калі, не дай бог, прыдумаем мы з вамі Пскоўскую рэспубліку ці, напрыклад, Наўгародскую - што ўлады скажуць? Сепаратысты! Да пазногця іх! Пажыццёвае зняволенне! Хочуць падзяліць вялікую і непадзельную Расейскую Федэрацыю! Хоць мы запатрабуем проста рэспубліку ў складзе РФ - як Чачня або Інгушэція. Што ж мы робім? Мы падтрымліваем Данбас. Для нашай улады яны - «змагары за свабоду». Кім былі б мы? Нягоднікамі, якія спрабуюць разваліць Расею. Радуецеся з нагоды Крыму? Я пагляджу, як вы прыедзеце праз пару гадоў туды і вам плюнуць у твар крымчукі, якія ўбачаць расейскія парадкі», - заявіў Георгій Паўлаў.

Нагадаем, 21 сакавіка Уладзімір Пуцін падпісаў Федэральны канстытуцыйны закон «Аб прыняцці ў Расейскую Федэрацыю Рэспублікі Крым і ўтварэнні ў складзе Расейскай Федэрацыі новых суб'ектаў - Рэспублікі Крым і горада федэральнага значэння Севастопаля» і Федэральны закон «Аб ратыфікацыі Дамовы паміж Расейскай Федэрацыяй і Рэспублікай Крым аб прыняцці у Расейскую Федэрацыю Рэспублікі Крым і ўтварэнні ў складзе Расейскай Федэрацыі новых суб'ектаў»

Раней, 16 сакавіка, на паўвыспе прайшоў незаконны «рэферэндум». Паводле сцвярджэнняў акупацыйных уладаў, пераважная большасць яго ўдзельнікаў прагаласавала за аб'яднанне з Расеяй. Рада правоў чалавека пры Пуціне заявіла, што напраўду аншлюс паўвострава падтрымалі блізу 15 адсоткаў яго жыхароў.