Францыя выдаткуе €3 млн на выратаванне хамякоў

У Францыі будзе праводзіцца спецыяльны праект для выратавання унікальнага віду грызуноў.

Гаворка ідзе аб вялікім эльзаскім хамяку. Бюджэт складае 3 млн еўра, паведамляе Guardian.

Эльзаскі хамяк або "страсбургскі сурок" афіцыйна знаходзіцца пад аховай з 1993 года, але яго колькасць усё роўна скарачаецца: у 2007 годзе іх было ўсяго 161.

Мясцовым фермерам будуць выдзяляць сродкі для вырошчвання караняплодаў, якімі харчуюцца хамякі. Мяркуецца, што прынятыя захады дазволяць павялічыць іх папуляцыю ў 10 разоў да 2020 года.

Французскі Эльзас - гэта адзінае месца ў Еўропе, дзе захавалася папуляцыя гэтага віду.