У Адэскай вобласці пачаў дзейнічаць спецбатальён «Шторм»

Галоўная задача падраздзялення - ахоўваць мірных грамадзян і парадак у горадзе.

Сёння, 8 траўня, на тэрыторыі Адэскай вобласці пачало сваю практычную дзейнасць новастворанае ў структуры абласнога ГУМВД падраздзяленне патрульнай службы міліцыі асаблівага прызначэння "Шторм", піша segodnya.ua.

"Асноўныя задачы, якія ставяцца перад асабовым складам дадзенага падраздзялення, заключаюцца ў забеспячэнні абароны і аховы жыцця, правоў, свабод і законных інтарэсаў грамадзян, грамадства і дзяржавы ад злачынных замахаў, забеспячэнні грамадскай бяспекі", - гаворыцца ў паведамленні ведамства.

Як паведамлялася, спецыяльны батальён міліцыі "Кіеў-1", сфармаваны з ліку добраахвотнікаў, прыбыў у Адэсу і ўжо прыступіў да выканання задач па забеспячэнні грамадскага парадку і недапушчэнні праяў сепаратызму.