9 траўня на Зямлю ўпадзе савецкі ваенны спадарожнік
5- 8.05.2014, 12:39
- 6,688
Абломкі касмічнага апарата згараць над Ціхім акіянам.
Фрагменты савецкага ваеннага спадарожніка Космас-1242, які лятае вакол Зямлі на працягу 33 гадоў, згараць у атмасферы над Ціхім акіянам ноччу 9 траўня. Пра гэта паведаміў афіцыйны прадстаўнік Войскаў паветрана-касмічнай абароны РФ палкоўнік Аляксей Залатухін, піша ІТАР-ТАСС.
"Спецыялісты Галоўнага цэнтра выведкі касмічнай абстаноўкі Войскаў ВКА бесперапынна манітораць змену параметраў арбіты фрагментаў касмічнага апарата "Космас-1242", - заявіў ён.
Паводле прагнозу Цэнтра, абломкі Космасу-1242 сыдуць з арбіты над акваторыяй Ціхага акіяна ў ноч на 9 траўня. "Канчатковы час і месца падзення фрагментаў апарата Космас-1242 могуць змяняцца пад уздзеяннем знешніх фактараў", - адзначыў Залатухін.
Савецкі касмічны апарат Космас-1242 быў запушчаны 27 студзеня 1981 года з касмадрома Плясецк з ракетай-носьбітам Усход-2М. Тэрмін актыўнага існавання касмічнага апарата на арбіце завяршыўся 15 траўня 1982 года.