Захопнікі Данецка не паслухалі Пуціна
15- 8.05.2014, 13:04
- 11,141
Данецкія сепаратысты, якія захапілі Данецкую АДА, вырашылі не пераносіць свой «рэферэндум» з 11 траўня.
Пра гэта заявіў «Інтэрфаксу» намеснік лідара сепаратыстаў Міраслаў Рудэнка.
«Рэферэндум будзе 11 траўня», - сказаў ён па тэлефоне.
Як вядома, Уладзімір Пуцін у сераду па выніках перамоваў з прэзідэнтам Швейцарыі, дзеючым старшынёй АБСЕ Дыдзье Буркхальтрам назваў выбары 25 траўня «рухам у правільным напрамку». Ён таксама заклікаў сепаратыстаў адкласці запланаваны на 11 траўня «рэферэндум» у Данецку і Луганску.
СБУ ў сераду апублікавала доказы падрыхтоўкі і каардынацыі расейскім бокам правядзення «рэферэндуму» па стварэнні «Данецкай народнай рэспублікі» з загадзя вядомымі вынікамі.
Самі сепаратысты ужо раздаюць ў горадзе «бланкі для галасавання» на якіх няма ні адзінай галаграмы ці пячаці і ніякіх сродкаў абароны.
Фота: Reuters