Прыходзька адмовілася мець зносіны з расейскімі прапагандыстамі

Вядомая ўкраінская спявачка Анастасія Прыходзька адмовілася каментаваць «Еўрабачанне» расейскім журналістам.

Прыходзька запрашалі ў Маскву пракаментаваць цяперашняе «Еўрабачанне», у прыватнасці, выступленне расейскіх канкурсантак, але яна адмовілася. Спявачка ведае, што якія б каментары яна не дала, усё роўна яе словы пераблытаюць, і «пададуць» так, як выгадна дзеючай уладзе, перадае ТСН.

«У іх нават няма прамых эфіраў. Я ведаю, з якой мэтай мяне туды завуць - каб даведацца, што тут у нас адбываецца, а потым усё «перакруціць». Я не хацела туды ехаць. Мне гэта не цікава», - прызналася яна.

Нагадаем, раней спявачка выступіла з крытыкай расейскага акцёра Івана Ахлабысціна, які зрабіў шэраг антыўкраінскіх заяваў.