«Цмокi-Мiнск» стаў шасціразовым чэмпіёнам Беларусі

Беларускі баскетбольны клуб «Цмокi-Мiнск» перамог «Гродна-93» у чацвёртым матчы фінальнай серыі плэй-оф і заваяваў тытул чэмпіёна краіны-2013/14.

Сустрэча, якая адбылася ў чацвер у Гродна, завяршылася перамогай гасцей з лікам 78:68 (19:25, 20:10, 23:15, 16:18). Лік у серыі да трох перамог стаў 3-1 на карысць сталічнай каманды. Самымі выніковымі гульцамі ў складзе сталічнага клуба сталі Віталь Лютыч (16 ачкоў), Бранка Міркавіч і Аляксей Лашкевіч (па 15). У гаспадароў пляцоўкі вылучаліся Ігар Канюшэнка (17), Канстанцін Яфрэмаў і Вячаслаў Корж (па 10), піша rsport.ru.

«Цмокi-Мiнск» стаў шасціразовым чэмпіёнам Беларусі, выйграўшы ўсе тытулы запар пачынаючы з сезона-2008/09.

«Цмокi-Мiнск» з сезона-2010/11 выступае ў Адзінай лізе ВТБ, з'яўляючыся адзіным прадстаўніком Беларусі. У бягучым розыгрышы па выніках рэгулярнага чэмпіянату менскі клуб заняў 9-е месца ў групе В і не змог выйсці ў плэй-оф.