Тэрарысты захапілі тэлекампанію «Данбас»

Тэрарысты самаабвешчанай «Данецкай народнай рэспублікі» захапілі тэлекампанію «Данбас».

Аб гэтым паведамляе РБК-Украіна.

Група тэрарыстаў захапіла апаратную, адключыла сілкаванне і прад'явіла «мандат ДНР», згодна з якім тэлекампаніі пераходзіць пад іх юрысдыкцыю. Яны запатрабавалі спыніць вяшчанне «тэлекампаніі, якая распаўсюджвае загадзя ілжывую інфармацыю, якая зневажае ДНР».

Супрацоўнікі тэлекампаніі не аказалі супраціву. На ўваходзе тэрарысты ўсталявалі прапускны пункт.

Нагадаем, з 6 красавіка расейскія дыверсійныя групы і мясцовыя сепаратысты пачалі планамерныя захопы будынкаў адміністрацый у гарадах усходніх абласцей Украіны. Журналісты заходніх СМІ паведамлялі, што сярод баевікоў прысутнічаюць і беларусы.