Навукоўцы ствараюць машыны для чытання думак

Распрацоўваюцца прылады, якія будуць выяўляць і нават прадказваць дурны настрой карыстальніка.

Пра гэта паведамляе The Times (пераклад — Инопресса). Прылады абсталяваныя датчыкамі, якія замяраюць пульс, потаадлучэнне і іншыя фізіялагічныя індыкатары.

Яны дапамогуць перасцерагчы аўтамабілістаў, што адзін з кіроўцаў запаў у раздражненне. Датчыкі спрацуюць, і кузаў аўтамабіля, афарбаваны спецыяльнай фарбай, зменіць колер, кажа Разалінд Пікард з Масачусецкага тэхналагічнага інстытута.

Па чутках, Apple і Samsung ствараюць "разумныя" бранзалеты і гадзіннікі, якія дапамогуць мяняць рэжым трэнажораў у фітнес-зале у залежнасці ад таго, стомлены чалавек ці бадзёры.

Часовыя татуіроўкі або макіяж з датчыкамі поту і пульса (ідэя амерыканскай Mc10) "дазволяць лекарам адсачыць ступень узбуджэння пацыента і распрацаваць індывідуальны курс лячэння", піша аўтар.

Тым часам Коры Скот Макол са Стэнфардскага ўніверсітэта дапоўніў гульнявую кансоль Xbox сэнсарамі, якія, па яго словах, адрозніваюць, напружаны чалавек ці паслаблены, зацікаўлены ці сумуе. "Назіраючы за фізіялогіяй геймера, мы зможам стварыць гульні, якія адаптуюцца да арганізма канкрэтнага чалавека", - запэўнівае ён.