Тэрарысты ў Данбасе ўзброеныя зброяй элітных спецслужбаў РФ

Міністр унутраных спраў Арсен Авакаў і камандуючы Нацгвардыяй Сцяпан Палтарак прадэманстравалі зброю баевікоў.

Яна была канфіскаваная падчас правядзення антытэрарыстычнай аперацыі ў Славянску, паведамляе прэс-служба МУС Украіны.

«Падчас бою з буйной тэрарыстычнай групай у рамках правядзення спецаперацыі ў Славянску, была канфіскаваная зброя. Гэта зброя расейскага спецназу», - адзначыў Арсен Авакаў.

Камандуючы Нацыянальнай гвардыяй Сцяпан Палтарак растлумачыў, што прыцэлы на канфіскаваных падчас АТА кулямётах ва Украіне не выкарыстоўваюцца. «Гэта прыцэл апошняга пакалення. Такі кулямёт і такія прыцэлы знаходзяцца на ўзбраенні менавіта падраздзяленняў спецыяльнага прызначэння. А гэта сведчыць аб тым, што ў ходзе правядзення спецаперацый бяруць удзел прадстаўнікі іншай краіны...зброя відавочна не са склада, а ўжо пабывала не ў адным баі», - сказаў Палтарак.

Авакаў таксама прадэманстраваў кулю калібру 12,7 мм, якая выкарыстоўваецца ў снайперскай вінтоўцы. «А такая зброя знаходзіцца на ўзбраенні падраздзяленняў спецыяльнага прызначэння. І то, далёка не ва ўсіх, а толькі ў элітных падраздзяленнях, якія выконваюць сур'ёзныя задачы. Гэты шар - гэта «палітычны» доказ. Гэта канчаткова даказвае прысутнасць тут замежных войскаў, дыверсантаў. Больш канкрэтна - Расейскай Федэрацыі», - падкрэсліў міністр.