Мінздраў абяцае «годна» павысіць заробак лекарам
46- 12.06.2014, 17:29
- 26,020
Міністр аховы здароўя паабяцаў павысіць заработную плату медыкам з 1 верасня.
Пра гэта Васіль Жарко заявіў журналістам у Палацы Рэспублікі, дзе пройдуць урачыстыя мерапрыемствы, прымеркаваныя да Дня медыцынскіх работнікаў, паведамляе «Інтэрфакс».
«Нам трэба пралічваць нашы магчымасці: з ліпеня пачнецца адпускная пара. Мы можам павысіць зарплату і зараз, але яна будзе не настолькі значнай, як калі гэта зрабіць восенню. Да восені мы годна павысім зарплату, і яна будзе значна вышэй, чым цяперашняя», - сказаў ён.
Міністр нагадаў, што раней планавалася павысіць зарплату ў медыцынскай сферы з 1 ліпеня.
У цяперашні час сярэднямесячная зарплата ў медыцынскай сферы складае каля Br4,3 млн, у лекараў - Br6,4 млн, медыкаў сярэдняга звяна - Br4,3 млн.