Пад Дзяржынскам фура пратараніла Renault: загінула дзіця

Трохгадовы хлопчык загінуў у выніку сутыкнення аўтацягніка і легкавога аўтамабіля.

Паведамленне пра ДТЗ на 304 кіламетры аўтамагістралі М-1 «Брэст-Менск-мяжа Расейскай Федэрацыі» паблізу вёскі Скароднае Дзяржынскага раёна паступіла ў 13:12 12 чэрвеня. Патрабавалася дапамога ў выманні пацярпелых з аўтамабіля. Да месца здарэння былі накіраваныя ратавальнікі і дзве брыгады хуткай медыцынскай дапамогі.

Пра гэта паведамляе прэс-служба МНС.

«Выратавальнікам стала вядома, што ў выніку рэзкага тармажэння «Рэно-Лагуна»адбылося спадарожнае сутыкненне грузавога аўтамабіля «Сканія» з легкавым аўтамабілем. Работнікі МНС пры дапамозе гідраўлічнага інструмента «Лукас» з легкавога аўтамабіля выратавалі двое пацярпелых: кіроўцу 1982 нараджэння і пасажырку 1984 года нараджэння. Мужчына з дыягназам траўма хрыбетніка, пераломы рэбраў і ключыцы, ірванай ранай твару брыгадай хуткай медыцынскай дапамогі дастаўлены ва УАЗ «Дзяржынская ЦРБ». Стан кіроўцы цяжкі. Пацярпелая з дыягназам ЗЧМТ, пералом галёнкі абедзвюх ног, множнымі ўдарамі брыгадай хуткай медыцынскай дапамогі дастаўленая ва УАЗ «Стаўбцоўская ЦРБ». Стан цяжкі», - гаворыцца ў паведамленні.

Да прыбыцця падраздзяленняў МНС відавочцамі ДТЗ з легкавога аўтамабіля вынятае дзіця, 2011 года нараджэння, якое з дыягназам АЧМТ, пераломам костак зводу і асновы чэрапа брыгадамі хуткай медыцынскай дапамогі дастаўлены ва УАЗ «Дзяржынская ЦРБ». У 15:00 у рэанімацыйным аддзяленні УАЗ «Дзяржынская ЦРБ» хлопчык памёр.

Кіроўца грузавога аўтамабіля не пацярпеў.