Луканоміка працягвае жыць у доўг

За першыя тры месяцы 2014 года адмоўнае сальда плацёжнага балансу склалася ў памеры мінус 1,07 млрд. даляраў ЗША.

Пра гэта гаворыцца ў аналітычным аглядзе "Асноўныя тэндэнцыі ў эканоміцы і грашова-крэдытнай сферы Рэспублікі Беларусь" Нацбанка Беларусі за студзень-красавік 2014 года.

У цэлым па выніках студзеня-сакавіка 2014 года сальда бягучага рахунку плацёжнага балансу склалася адмоўным у памеры мінус 1 675 млн. даляраў ЗША (у студзені-сакавіку 2013 г. - мінус 2563 млн. даляраў ЗША). У адносінах да ВУП дадзеныя паказчыкі склалі адпаведна мінус 10,9 адсотка і мінус 17,2 адсотка.

Сальда першасных даходаў у студзені-сакавіку 2014 г. склалася адмоўным у памеры мінус 1 608,7 млн. даляраў ЗША і палепшылася на 16,9 адсотка да студзеня-сакавіка 2013 г. Па артыкуле другасных даходаў сальда таксама сфарміравалася адмоўнае ў суме мінус 743, 7 млн. даляраў ЗША супраць мінус 881,2 у студзені-сакавіку 2013 г.

Па фінансавым рахунку плацёжнага балансу чысты прыток капіталу склаў 1 187,3 млн. даляраў ЗША (7,7 адсоткі да ВУП) супраць чыстага прытоку ў памеры 1 688,3 млн. даляраў ЗША ў студзені-сакавіку 2013 г. (11,3 адсотка да ВУП).

Прамыя інвестыцыі ў эканоміку краіны склалі 1 302,7 млн. даляраў ЗША, знізіўшыся на 20,7 адсотка ў параўнанні са студзенем-сакавіком 2013 г. Рэінвеставанне даходаў склала 81,5 адсотка.

Па аперацыях Урада і Нацыянальнага банка на чыстай аснове выплачана 455,2 млн. даляраў ЗША, галоўным чынам, на пагашэнне крэдыту МВФ. Прыцягненне капіталу ў банкаўскі сектар склала 241,8 млн. даляраў ЗША, забяспечанае як скарачэннем кароткатэрміновых актываў за мяжой, так і іх прыцягненнем.

Па нефінансавым сектара перавышэнне запазычанняў над выплатамі капіталу склалася ў памеры 98 млн. даляраў ЗША.

У выніку, за студзень-сакавік 2014 г. сфармавалася адмоўнае агульнае сальда плацёжнага балансу на ўзроўні мінус 1 068,8 млн. даляраў ЗША (мінус 6,9 адсотка да ВУП). У студзені-сакавіку 2013 г. сальда плацёжнага балансу склала мінус 258,5 млн. даляраў ЗША (мінус 1,7 адсотка да ВУП).