Над Луганскам збіты ўкраінскі самалёт Іл-76: дзясяткі загінулых
181- 14.06.2014, 8:17
- 104,019
Cамалёт узброеных сіл Украіны Іл-76 быў збіты пры заходзе на пасадку баевікамі.
Пра гэта гаворыцца ў паведамленні на сайце Міністэрства абароны Украіны.
Паводле інфармацыі ведамства, ён быў збіты агнём з зенітнай ўстаноўкі і буйнакалібернага кулямёта.
На борце самалёта знаходзіліся вайскоўцы, тэхніка, рыштунак і прадукты харчавання. Паводле папярэдняй інфармацыі, на борце было некалькі дзясяткаў вайскоўцаў. Пазней прадстаўнік Міністэрства абароны Украіны Уладзіслаў Селязнёў паведаміў, што ў самалёце знаходзіліся 49 чалавек.
Луганскі сайт навін informator.lg.ua са спасылкай на прадстаўніка ўкраінскіх сілавікоў паказаў, што стральба вялася з пераноснага зенітна-ракетнага комплексу (ПЗРК). Па самалёце стралялі, калі ён заходзіў на пасадку.
Інфармацыю аб падбітым самалёце пацвярджаюць і крыніцы ўкраінскага агенцтва ТСН ва ўкраінскім войску. Паводле яго звестак, на борце знаходзіліся вайскоўцы 25-й аэрамабільнай брыгады.
Луганск ў цяперашні час кантралюецца атрадамі сепаратыстаў і баевікоў з Расеі, аднак аэрапорт утрымліваюць украінскія сілавікі.