У Афганістане завяршыўся другі тур прэзідэнцкіх выбараў
- 14.06.2014, 16:50
- 3,578
На пасаду прэзідэнта прэтэндуюць былы кіраўнік МЗС і экс-міністр фінансаў.
Галасаванне ў другім туры выбараў прэзідэнта Афганістана завяршылася ў 16:00 мясцовага часу.
Пра гэта паведамляе ІТАР-ТАСС са спасылкай на ЦВК Афганістана.
Кіраўнік выбарчай камісіі афіцыйна абвясціў аб пачатку падліку галасоў. Акрамя таго, ён паведаміў, што даклад аб адбыўшыхся прэзідэнцкіх выбарах будзе апублікаваны не пазней 19:00 мясцовага часу. Чакаецца, што папярэднія вынікі выбараў стануць вядомыя 2 ліпеня, а канчатковыя вынікі будуць падведзеныя 22 ліпеня.
Дзень галасавання не абышоўся без здарэнняў. Так, на ўсходзе Афганістана паміж прыхільнікамі кандыдатаў адбыліся сутыкненні, у выніку якіх загінулі на менш за два чалавекі. Акрамя таго, колькасць ахвяр ад нападаў на выбарчыя ўчасткі баевікоў руху «Талібан», які пагражае сарваць выбары, дасягнула 13 чалавек.
У другім туры галасавання права заняць пасаду прэзідэнта аспрэчвалі экс-кіраўнік МЗС краіны Абдула Абдула, а таксама былы міністр фінансаў Ашраф Гані. Першы этап галасавання вызначыўся доўгім працэсам пераліку тысяч галасоў праз шматлікія скаргі. У першым туры перамагаў Абдула, аднак адзін з сацыялагічных апытанняў, праведзены на мінулым тыдні, прадказвае перамогу Гані.