У Кіеве пікетуюць амбасаду РФ: «Не перамовам з забойцамі і фашыстамі»

Больш за дзвесце актывістаў пікетуюць амбасаду Расейскай Федэрацыі ў Кіеве ў сувязі з пранікненнем рускіх танкаў на тэрыторыю Украіны і збітым самалётам ІЛ-76.

Пра гэта паведамляе ГромадськеТВ.

Перад уваходам у амбасаду актывісты размясцілі аўтамабільныя покрыўкі і бутэльку з бензінам. Людзі трымаюць плакаты «Пуцін х *** ло», «Крэмль, прымі рукі ад Украіны», «Не перамовам з Пуціным», «Расея - забойца», «Фашысты».

З прыпаркаваных аўтамабіляў актывістаў раздаюцца ўкраінскія патрыятычныя песні. Аўтамабілісты, якія праязджаюць побач з амбасадай, падтрымліваюць пікетоўцаў гучнымі сігналамі.