Кіраўнік Мінабароны Украіны далажыў аб знішчэнні 250 тэрарыстаў за дзень
30- 14.06.2014, 19:19
- 37,836
Большасць з іх - грамадзяне РФ.
Выконваючы абавязкі міністра абароны Украіны Міхаіл Коваль заявіў аб знішчэнні за апошні дзень у зоне правядзення сілавой аперацыі больш за 250 баевікоў, значная частка якіх, па ягоным сцвярджэнні, з'яўляюцца расейскімі грамадзянамі.
Пра гэта паведамляе прэс-служба прэзідэнта Украіны.
Гэтыя звесткі Коваль прывёў на сустрэчы кіраўніка дзяржавы Пятра Парашэнкі з кіраўнікамі сілавых ведамстваў краіны, гаворыцца ў паведамленні прэс-службы.
Нагадаем, сёння прэзідэнт Украіны даручыў склікаць пасяджэнне Савета нацыянальнай бяспекі і абароны.
Прэзідэнт Украіны выказаў глыбокія спачуванні сем'ям украінскіх вайскоўцаў і памежнікаў, якія загінулі 14 чэрвеня падчас правядзення антытэрарыстычнай аперацыі.