Парашэнка нагадаў ЕЗ пра абяцаныя санкцыі супраць Расеі
15- 14.06.2014, 20:46
- 18,511
Прэзідэнт Украіны правёў тэлефонную размову з Фрасуа Аландам.
Пра гэта паведаміла прэс-служба Пятра Парашэнкі.
Франсуа Аланд выказаў спачуванні ў сувязі з трагічнымі падзеямі і гібеллю ўкраінскіх вайскоўцаў. Пётр Парашэнка, у сваю чаргу, адзначыў, што гэта трагічны момант для яго і ўсяго ўкраінскага народа.
Украінскі прэзідэнт падзякаваў прэзідэнта Францыі за шчырыя спачуванні, выказаныя ад імя французскага народа ўкраінскага народу, і актыўны ўдзел Франсуа Аланда ў рэалізацыі мірнага плана прэзідэнта Украіны.
Ён таксама выказаў надзею на спыненне агню на тэрыторыі Украіны, а таксама дзеянняў, накіраваных на дэстабілізацыю сітуацыі. У тым ліку, гэта тычыцца незаконнага перасячэння мяжы з боку Расеі, пастаўкі ўзбраення, вайсковай тэхнікі і г.д.
Пётр Парашэнка лічыць, што рашэнне ЕЗ аб увядзенні сектаральных санкцый супраць Расейскай Федэрацыі, уключаючы спыненне ваенна-тэхнічнага супрацоўніцтва, павінна быць салідарным і неадкладным.
Таксама прэзідэнт падкрэсліў, што настроены на падпісанне Пагаднення аб асацыяцыі Украіны з ЕЗ у бліжэйшы час і ўжо аддаў даручэнне аб падрыхтоўцы яго візіту ў Брусэль 27 чэрвеня гэтага года.