Жыхар Дзятлаўскага раёна выкраў і пагражаў забіць двух чалавек
5- 14.06.2014, 21:24
- 16,330
Разборкі з вывазам ахвяр у лес і пагрозай забойства зладзіў 32-гадовы жыхар Дзятлаўскага раёна.
Пра гэта паведамляе УУС Гарадзенскага аблвыканкама.
Мужчына ўчыніў бойку з двума хлопцамі і выйшаў з яе прайграўшым. На наступны дзень, жадаючы адпомсціць крыўдзіцелям, ён разам з прыяцелем, прыхапіўшы пару пнеўматычных пісталетаў і канцылярскі нож, вывез у лес спачатку аднаго маладога ўдзельніка бойкі, затым іншага. У лесе, дэманструючы зброю, пагражалі забойствам і патрабавалі сатысфакцыі.
У міліцыю за дапамогай звярнулася маці аднаго з ахвяр, калі ўбачыла, што агрэсіўна настроеныя людзі садзяць яе сына ў машыну і вязуць. На месца здарэння выехала следча-аператыўная група і ўчастковы інспектар міліцыі.
Аператыўнасць дзеянняў праваахоўнікаў дазволіла затрымаць абодвух парушальнікаў па гарачых слядах. Зараз у іх дачыненні распачатая крымінальная справа, санкцыі артыкула прадугледжваюць штраф, або папраўчыя работы на тэрмін да аднаго года, або арышт на тэрмін да шасці месяцаў.