У Баранавічах невядомы пракалоў колы ў 35 аўтамабілях

Сума шкоды перасягла 40 мільёнаў рублёў.

Першая заява ад пацярпелага аўтаўладальніка паступіла ў міліцыю раніцай 15 чэрвеня. Мужчына растлумачыў, што пакінуў на ноч машыну ў двары дома, а калі раніцай выйшаў да свайго аўтамабілю, то выявіў, што нехта пракалоў колы, паведамляе Intex-Press.

Як высветлілася пазней, усяго ад рук невядомага хулігана пацярпелі 35 машын, што стаялі ў тым жа двары і паблізу.

З прычыны факта, які адбыўся, распачата крымінальная справа згодна з артыкулам «хуліганства».