Хет-трык Мюлера дапамог Германіі разграміць Партугалію
6- 16.06.2014, 21:05
- 10,236
Германія атрымала ўпэўненую перамогу над Партугаліяй ў першым туры групавога этапу квартэта G чэмпіянату свету ў футболе.
Сустрэча завяршылася з лікам 4:0.
Лік адкрыў Томас Мюлер. На 12-й хвіліне ён рэалізаваў пенальці, які быў прызначаны за парушэнне ў штрафной супраць Марыё Гетцэ. Другі гол на рахунку абаронцы Матса Хумельса, які забіў пасля падачы вуглавога.
У самым канцы першага тайма Мюлер зрабіў лік 3:0, а хет-трык нападнік аформіў на 78-й хвіліне з перадачы Андрэ Шурле.
Партугальцы сканчалі матч удзесяцёх. На 37-й хвіліне быў выдалены абаронца Пэпэ. Футбаліст зачапіў Томаса Мюлера па твары, пасля чаго баднуў галавой форварда, які сядзеў на газоне.
Нямецкая зборная ўзначаліла турнірную табліцу групы, у якой таксама выступаюць каманды Ганы і ЗША.