Страты беларускіх прадпрыемстваў выраслі ў 2,2 разы
2- 16.06.2014, 21:31
- 9,710
У Беларусі паводле вынікаў працы за студзень-красавік 2014 года стратнымі былі 1460 прадпрыемстваў.
Гэта складае 17,9% ад агульнай колькасці арганізацый, якія ўлічваюцца ў бягучым парадку, паведамляе АФН са спасылкай на Нацыянальны статыстычны камітэт.
За студзень-красавік 2013 года са стратамі спрацавалі 899 арганізацый, ці 11%. Сума чыстай страты стратных арганізацый за студзень-красавік 2014 года склала 6,3 трлн. рублёў, або ў 2,2 разы больш, чым за студзень-красавік 2013 года
Найбольшы працэнт (ад агульнай колькасці) стратных прадпрыемстваў прыпадае на Менск - 24,7%, найменшы - на Гарадзенскую вобласць - 8,1%.
Найбольшая ўдзельная вага стратных прадпрыемстваў склаўся ў рыбалоўстве і рыбаводстве - 73,7%, у прамысловасці - 28,9%, гасцінічным і рэстаранным бізнэсе - 22,6%, транспарце - 22% і будаўніцтве - 15,3%.
Найменшая доля стратных прадпрыемстваў зафіксавана ў сельскай гаспадарцы - 7,9%, адукацыі - 5,8% і сувязі - 4,3%.
У 2013 годзе стратнымі былі 752 арганізацыі (9,1% ад агульнай колькасці), сума іх чыстай страты склала 8,8 трлн. рублёў (у 2,6 разы больш, чым за 2012 год).