Албанская паліцыя штурмуе вёску наркагандляроў
7- 16.06.2014, 21:42
- 13,179
Каля 500 паліцыянтаў трымаюць у аблозе вёску Лазарат на поўдні Албаніі.
Паводле інфармацыі улад, там засела групоўка, якая займаецца незаконным вырошчваннем марыхуаны, паведамляе Associated Press.
Паліцыянты разам з супрацоўнікамі спецпадраздзяленняў акружылі вёску ў ноч на панядзелак. На досвітку яны распачалі спробу штурму, аднак іх абстралялі з гранатамётаў, мінамётаў і кулямётаў. Нягледзячы на гэта, супрацоўнікі праваахоўных органаў плануюць працягнуць наступ, каб «вызваліць Лазарат ад крыміналу», піша Lenta.ru.
Чальцы банды ў Лазарате вырабляюць каля 900 тон марыхуаны ў год. Даход ад гэтай дзейнасцi ацэньваецца прыблізна ў 4,5 мільярда даляраў, што складае палову ВУП Албаніі. Дзеянні праваахоўных органаў праводзяцца ў рамках праграмы барацьбы з наркотыкамі ў краіне.
Фота: AP