Хакеры выкралі Br32 мільёны з тэлефоннага рахунку беларускай кампаніі

Адукацыйная кампанія пацярпела ад хакерскай атакі на сервер офіснай тэлефаніі.

Зламыснік з Чэхіі падабраў пароль да акаўнта арганізацыі і за некалькі гадзін «нагаварыў на тэлефоне» ў сетцы Velcom на суму Br32 млн, паведамілі «Інтэрфаксу» ў офісе беларускай кампаніі.

Зараз нумар Velcom заблакаваны. Кампанія прымае званкі ад кліентаў праз іншых аператараў, а Velcom спрабуе вызначыцца, хто павінен кампенсаваць шкоду ад хакерскай атакі. Як стала вядома пасля аналізу логаў сервера, тэлефанавалі ў Заходнюю Афрыку, у Гвінею, на кароткія нумары з платнымі званкамі. Для ўзлому выкарыстоўвалася бутфорс-атака: аўтаматызаваны падбор пароляў простым пераборам варыянтаў. Званкі размовамі не суправаджаліся, гэта значыць выконваліся таксама аўтаматычна.

Хакерская атака з падобнай сумай шкоды для беларускай кампаніі адбылася ўпершыню, адзначаюць спецыялісты ў вобласці інфармацыйнай бяспекі. Для заходніх кампаній гэтая рызыка ўжо лічыцца стандартнай: за 2013 страты ад хакерскіх нападаў у свеце склалі больш за $ 400 млрд.