Расейскія танкі ўвайшлі ў Луганск
117- 20.06.2014, 7:46
- 136,893
Калона тэхнікі пад рускімі сцягамі ўвайшла ў Луганск.
Пра гэта паведамляе мясцовы сайт informator.lg.ua са спасылкай на мясцовых жыхароў.
У складзе калоны тры танкі, БТРы, амаль 10 грузавых аўтамабіляў Урал і недзе 10 мікрааўтобусаў, джыпаў і пазадарожнікаў УАЗ.
Паводле слоў людзей пад 5 гадзін раніцы яны пачулі гул на ўездзе ў Луганск з боку Краснадона. На дарозе яны ўбачылі калону тэхнікі з танкамі, БТРамі і грузавымі аўтамабілямі Урал. Пры набліжэнні да Луганска над калонай знік сцяг Расеі і з'явіўся белы сцяг. Мясцовыя жыхары мяркуюць, што вайскоўцы маскіруюцца пад міратворцаў.
Рух калоны таксама зафіксавалі вэб-камеры, усталяваныя ў горадзе.