Сенсацыя на ЧС: Англія не трапіла ў плэй-оф

Зборная Уругвая атрымала перамогу над камандай Англіі ў другім туры групавога этапу квартэта D чэмпіянату свету ў футболе.

Сустрэча завяршылася з лікам 2:1. На дубль нападніка Луіса Суарэса ангельцы адказалі толькі адным голам Уэйна Руні, які вызначыўся ўпершыню на чэмпіянатах свету, піша Lenta.ru.

Пасля гэтай перамогі ўругвайцы набралі тры ачкі і дагналі зборную Італіі, аднак у «скуадры адзуры» маецца гульня ў запасе. 20 чэрвеня італійцы згуляюць з Коста-Рыкай, пачатак сустрэчы запланаваны на 20:00 паводле маскоўскага часу.

Заключны матч на групавым этапе ангельцы, якія па-ранейшаму не набралі на мундыялі ні воднага ачка, правядуць 24 чэрвеня са зборнай Коста-Рыкі. Уругвайцы ў гэты ж дзень згуляюць з італійцамі.