Прамвытворчасць працягвае падзенне
17- 20.06.2014, 19:54
- 11,228
Вытворчасць прамысловай прадукцыі ў Беларусі скарацілася з пачатку года на 1,3%.
Такія звесткі ўтрымліваюцца ў экспрэс-інфармацыі "Асноўныя сацыяльна-эканамічныя паказчыкі Рэспублікі Беларусь у студзені-траўні 2014 года", апублікаванай сёння Белстатам.
Запасы гатовай прадукцыі прамысловасці на канец перыяду склалі 36 189,6 млрд. руб. або 85,2% да сярэднямесячнага аб'ёму прамысловай вытворчасці.
Вытворчасць прадукцыі сельскай гаспадаркі скарацілася на 4,3%, інвестыцыі ў асноўны капітал упалі на 6,5%, перавезена грузаў на 1,7% менш, чым у студзені-траўні мінулага года.
Выраслі ўвод у эксплуатацыю жылля за кошт усіх крыніц фінансавання - на 7,8%, грузазварот - на 2,7%, аптовы і рознічны тавараабарот - на 11,8% і 11,9% адпаведна, тавараабарот грамадскага харчавання - на 10,3 %.
У цэлым, валавы ўнутраны прадукт за справаздачны перыяд вырас на 1,5%.
Інфляцыя за студзень-травень вырасла на 16,6% да аналагічнага перыяду 2013 года. Індэкс цэн вытворцаў прамысловай прадукцыі вырас на 11%, вытворцаў сельскагаспадарчай прадукцыі - на 20,3%. Будаўнічыя паслугі падаражэлі на 15,9%, а тарыфы на перавозку грузаў выраслі на 10,3%.